आज फेव्रुअरी १४ सन्त भ्यालेन्टाइनको सम्झनामा फूल र उपहार साटासाट गरी विश्वभर प्रेम दिवस मनाइँदै

by rn Mon Feb 14, 2011 2:56 pm NST

सेन्ट भेलेन्टाइनको संझनामा विश्वभर मनाइने यो दिवसमा प्रेमी-प्रेमीकाले मनपर्ने उपहार दिँदै आफनो मायाँ तथा शुभेच्छा साटासाट गर्ने गर्दछन् । एकअर्काका विपरीत धु्रब अर्थात प्रेम र युद्व । यो दिवस यस्तै सन्दर्भ र घटनासंग जोडीएको छ । प्रेममा लागेर युद्वलाई तार्न खोजेको अभियोगमा भ्यालेन्टाइन जेल र नेलसम्मको सजायं भोग्न बाध्य भएका थिए । तर जेलमै पनि उनले चौतर्फी संकटका बीच प्रेम गरे र युद्वलाई प्रेमको भावनाले जिते । इस्वी सम्बत दुई सय ६९ मा रोमका भेलेन्टाइन नामका एक पादरीको हत्या भएपछि उनलाई भाय फ्लामिनियामा राखिएको थियो । सेन्ट भेलेन्टाइन रोममा एक पुजारी थिए । त्यस समयमा रोमन सम्राट क्लाउडियस दित्तियले बिवाहलाइ प्रतिबन्द गरे । यसमा उनको तर्क थियो- विवाहित सिपाहीहरु परिवार प्रति बढि नजिक भए उनीहरुले लडाइमा सफलता पाएनन् त्यसैले अब युद्धमा प्रेमको असर देख्न नदिन विवाह माथि नै प्रतिबन्ध लगाउनुपर्छ ।

यसै सन्दर्भमा भेलेन्टाइनले प्रेमीप्रेमीकाका पिडालाई मध्यनजर गर्दै ति प्रेमीसँग गोप्य भेट गरेर उनीहरुको पिडामा मलम लगाउने काम गरेका थिए । यो कुरा शासक क्लाउडियसले थाहा पाएपछि भेलेन्टाइनलाई जेलमा राखियो । उनी थुनामा रहेकै बेला भेलेन्टाइनले सोही जेलका जेलर अस्टेरियससँग मित्रता कायम गरे । जेलर अस्टेरियसकी एक अन्धी छोरी थिइन जसले भेलेन्टाइनलाई जेलमा फलफुल खानेकुरा र सुचना ओसार्न थालिइन् । भेलेन्टाइनले यिनै महिलालाइ मन पराए र उनको मित्रता प्रेममा परिणत भयो । जेलर अस्टेरियसले आफ्नी अन्धी छोरीलाई दृष्टी दिन आग्रह गरेपछि पुजारी भेलेन्टाइनले आश्र्यजनक तरिकाले उनकी अन्धी प्रेमीकाको दृष्टी खले । केही समयपछि भेलेन्टाइलको यो कार्यबाट प्रभाभित भइ उनलाई सम्राटले आफुलाइ भेट्न आदेश दिए । सम्राटले आफ्ना केहि कुरा बदल्न आदेश दिएपनि उनले सम्राटनै बदल्न कोशिस गरिपछि अन्त्यमा मृत्युदण्ड दिइयो । भेलेन्टाइनलाइ अन्त्यमा आफ्नो अन्तीम इच्छा व्यक्त गर्न आग्रह गर्दा उनले जेलरलाई एक कागज र कलम मागे र त्यसमा उनकी प्रमीकालाई - उही तिम्रो भेलेन्टाइन भनी लेखे । त्यसपछि तत्कालीन शासकले उनको टाऊको काटेको थियो । त्यही प्रेम पुजारी भ्यालेन्टाइनको संझनामा त्यसपछि बर्षेनी प्रेमका पारखीहरुले उनलाई संझेर यो दिवस मनाउन थालेका हुन् ।