अनमिनका इन्जिनियरद्धारा आत्महत्या

by dinesh Mon Mar 10, 2008 1:02 pm NST

रामेछापको बेथानमा हेलिकप्टर दुर्घटनामा आफ्ना साथीहरुको मृत्युबाट शोकमग्न भएका अनमिनका एयरसपोर्ट इन्जिनियर रुसी नागरिक एवगेनी अलेक्जेन्ड्रोले शनिवार आत्महत्या गरेका छन् । राजधानीको कपनमार्गस्थित दीपक खत्रीको घरमा डेरा गरी बस्दै आएका उनले आफ्नै कोठाको सिलिङमा नाइनलको डोरीले पासो लगाई आत्महत्या गरेका हुन् ।

आत्महत्या पछि अनुसन्धानको क्रममा प्रहरीले मृतकको कोठाबाट रुसी भाषामा लेखिएको सुसाइट नोट फेला पारेका छन् जसमा आफूसँगै कोठामा बस्ने तीन घनिष्ट साथीको दुर्घटनामा मृत्यु भएपछि आफूले पनि आत्महत्या गरेको उल्लेख गरेका छन् ।