मोडेल गायक बने अब नायक

by safalata Sun Mar 9, 2008 6:49 am NST

कहिले "ठ्याक्क ठ्याक्क" र कहिले "जमुना" गीतबाट चर्चामा आइरहने मोडेल अनि गायक बाबु बोगटी अब नायक बनेका छन् । उनी नेपाली धारावाहिक "संस्कार"मा नायकका रुपमा प्रस्तुत हुँदै छन् ।

प्रायः म्यूजिक भिडीयोमा रोमान्टिक र चकलेटी रुपमा प्रस्तुत हुने बाबु यस धाराबाहिकमा भने गम्भीर भूमिकामा देखिनेछन् । हुन त उनले यस अघि केही नाटकहरुमा पनि अभिनय नगरेका होइनन् तर नाटकमा अभिनय गरेर चर्चा बटुल्न नसकेपछि उनी टेली चलचित्रतिर हानिएका हुन् ।

उनको अभिनय देखेर अन्य चलचित्रमा खेल्नका लागि प्रस्तावका सहित निर्माताहरुको ओइरो लागेको उनले बताए । तर अभिनयलाई निरन्तरता दिने नाममा सस्तो लोकपि्रयता प्रति आफू नलाग्ने उनले स्पष्ट पारे ।