संविधानसभा निर्वाचनका लागि एक रुपैयाँ ऋण

by dinesh Sun Mar 9, 2008 5:22 am NST

काठमाडौं क्षेत्र नं ३ बाट संविधानसभा निर्वाचनका लागि एमालेका उम्मेदवार रामेश्वर फुयाललाई आलापोट र गागलफेदीवासीले एक/एक रुपैयाँ ऋण दिने भएका छन् । राजनीतिमा आधारभूत जनताको सहभागिता र आर्थिक अनुशासनका लागि सहयोग ऋण मागेपछि आफ्ना गाउँबासीले उनलाइ सहयोग गर्ने भएका हुन् ।

विकासका लागि कोहीबाट ठूलो ऋण नभइ जनसहभागीताको खाँचो छ भनी ल्याइएको यो कार्यक्रम नौलो प्रकारको भएको भनी संचार माध्यमले चर्चा गर्न थालेका छन् भने उता एक एक रुपैयाँ सहयोग गर्ने भनेका गाउँबासीहरु भने ऋणको सावाब्याज बुझाउनु नपर्ने तर जनप्रतिनिधिले इमान्दार भएर काम गर्नुपर्ने वाचा फुयाललाई गराएका छन् ।