माइतीघरमा मोटरसाइकल दुर्घटना : घटनास्थल मैं मृत्यु

by dinesh Sat Mar 8, 2008 2:03 pm NST

आज बिहान करिब सात बजे काठमाडौं माइतीघरमा मिनीबस र मोटरसाइकल ठोकिंदा मोटरसाइकल चालकको घटनास्थल मैं मृत्यु भएको छ । थापाथलीबाट सिंहदरबारतर्फ आउँदै गरेको स्वयम्भु यातायातको बा २ ख १०१ नम्बरको मिनीबस र बबरमहलबाट थापाथलीतर्फ जाँदै गरेको बा २७ प ३५०० नम्बरको मोटरसाइकल आज बिहान माइतीघर चोकमा ठोकिँदा मोटरसाइकल चालक मन्जीस श्रेष्ठको मृत्यु भएको हो ।

मोटरसाइकलमा चालक श्रेष्ठसँग पछाडी एक युवति पनि रहेकी थिइन । उनी घाइते भएकी छिन् तर उनको परिचय भने खुल्न सकेको छैन । सवारी दुर्घटना पछि मिनीबस चालक फरार भएको छ ।