अनमिनको हेलिकोप्टर दुर्घटना : १२ को मृत्यु

by dinesh Mon Mar 3, 2008 10:01 pm NST

संयुक्त राष्ट संघीय राजनैतिक मीसन अनमिनको हेलिकोप्टर आज अपरान्ह रामेछापमा बेथानमा दुर्घटनाग्रस्त भएको छ । दुर्घटनामा सबैको मृत्यु भएको छ ।

उक्त हेलिकोप्टरमा चालक दलका ३ सहित १२ जना सवार रहेकोमा १० जनाको शव क्षत विक्षत अवस्थामा फेला परेको छ । उद्धारमा संलग्न सुरक्षाकर्मीकाअनुसार मृतकहरुमा हालसम्म पाइलट भीमबहादुर गुरुङको मात्र सनाखत भएको छ भने अन्यको परिचय खुल्न सकेको छैन ।

स्थानिय प्रत्यक्षदर्शीकाअनुसार साँझ ६:३० बजेसम्म हेलिकोप्टरमा आगो बलिरहेको थियो । दुर्घटना करिव अपरान्ह करिव ४ बजेतिर भएको थियो । हेलिकोप्टर सिन्धुली जिल्लाको दूधौली क्याम्पबाट काठमाडौं आईरहेको थियो ।

उद्वारको लागि सुरक्षाकर्मी खटाइएको बताइएको छ । दुर्घटनाको विस्तृत विवरण प्राप्त भईसकेको छैन ।