झापाको शरणार्थी शिविरमा आगो : १२ हजार विस्थापित

by dinesh Mon Mar 3, 2008 6:01 am NST

झापा गोलधापको भुटानी शरणार्थी शिविरमा शनिवार आग्लागी भएपछि १२ हजार भन्दा बढि मानिसहरु विस्थापित भएका छन् । शरणार्थी शिविरमा भएका १५५० छाप्रा मध्ये १३०० छाप्राहरु जलेर खरानी भएपछि शरणार्थीहरु वासरहित भएका छन् । आग्लागीको कारण अझै अज्ञात रहेको छ ।

शिविरका छाप्रा आगोले नष्ट पारेता पनि केही व्यक्तिहरु मात्र गम्भीर घाइते भएको बुझिएको छ । घटना पछि करिव ५०० को संख्यामा पालको साथै आवश्यक राहत सामग्री पुर्याइएको गृहमन्त्रालयका प्रवक्ता मोधराज डोटेलले जानकारी गराएका छन् ।

सन् १९९० देखि करिव १ लाख ६ हजार भुटानी शरणार्थीहरु संयुक्त राष्ट संघद्धारा संचालित शरणार्थी शिविरमा बस्दै आएका थिए । यी मध्ये सन् १९९१ र १९९३ को बीचदेखि दसौं हजार शरणार्थीहरु नेपालको सीमा पारगरी भारतमा बसोबास गरीरहेका छन् । यसैबीच ६० हजार भुटानी शरणार्थीहरुलाई अमेरिकामा स्थायी बसोबासको लागि प्रकृया पनि सुरु भइसकेको छ ।