चुनाव सफल पार्न गाउँबस्ती अभियान

by raju Sat Mar 1, 2008 6:10 pm NST

नेपाल विद्यार्थी संघले संविधानसभा चुनाव सफल पार्न गाउँबस्ती जाने अभियान सुरु गरेको छ । नेविसंघले आज काठमाडौंमा पत्रकार सम्मेलन गरी गाउँ जाऔं बस्ती जाऔं, नेपाली कांग्रेसलाई विजय गराऔं, शान्ति संघीयता र लोकतान्त्रिक गणतन्त्र स्थापना गरौं भन्ने नाराका साथ यो अभियान सुरु गरिएको बताएको छ ।

अभियानका लागि संघका अध्यक्ष प्रदीप पौडेलको संयोजकत्वमा ५ हजार सदस्यीय केन्द्रीय चुनाव प्रचार-प्रसार समिति पचहत्तरै जिल्लामा जिल्ला अध्यक्षको संयोजकत्वमा ५ सय १ सदस्यीय चुनाव प्रचारप्रसार समिति पनि गठन गरिएको छ । अध्यक्ष पौडेल महामन्त्री मनोजमणि, आचार्य गजेन्द्र कार्की, जितजंग वस्नेत र प्रतिमा गौतमले केही जिल्लामा संघकै जिम्मेवार पदाधिकारीले मर्यादा नाघेर विद्रोही उम्मेदवारी दिएकोमा फिर्ता लिन आग्रह गर्नुभयो ।

संघले चुनावी कार्यक्रम अनुसारको अवधिमा उम्मेदवारी फिर्ता नलिइए कारवाही गर्ने चेतावनी दिएको छ । संघले संविधानसभामार्फत् शिक्षामा आमूल परिवर्तन आवश्यक भएको भन्दै चुनाव निष्पक्ष र धाँधलीरहित बनाउन सचेत विद्यार्थीलाई आग्रह पनि गरेको छ ।